कास्की। राष्ट्रिय प्रजातन्त्र पार्टीका अध्यक्ष राजेन्द्र लिङ्देनले नेपाली जनताको चाहना सुशासन र समृद्धि भएको बताउनुभएको छ । समृद्धिको चाहना पूरा नभएकै कारण जनतामा राजनीतिक वितृष्णा पैदा भएको उनको भनाइ छ ।
राष्ट्रिय प्रजातन्त्र पार्टी गण्डकी प्रदेशद्वारा आज पोखरामा आयोजित सभालाई सम्बोधन गर्दै अध्यक्ष लिङ्देनले साढे तीन दशकमा पनि विकासले गति लिन नसक्नुमा ठूला राजनीतिक दलहरूको कमजोरी भएको आरोप लगाए।
राप्रपाका केन्द्रीय उपाध्यक्ष रवीन्द्र मिश्रले भावी पुस्ताको भविष्यका लागि दलहरूले सोच्न आवश्यक भएको बताउँदै सुन्दर देश नेपालको विकासमा ध्यान दिन जरूरी भएको बताए । पार्टीका प्रवक्ता ज्ञानेन्द्र शाहीले देशमा सुशासनको खाँचो रहेको उल्लेख गर्दै त्यसतर्फ सबैले ध्यान दिनुपर्नेमा जोड दिए।
