हेटौंडा । मकवानपुरको विकट राक्सिराङ गाउँपालिका -९ स्थित खैरानमा रहेको देविथान आधारभूत विद्यालयमा नयाँ भवनको शिलान्यास भएको छ ।
उक्त गाउँपालिकाको खैरानस्थित सलेनीमा रहेको विद्यालयमा नयाँ बन्न लागेको भवनको शुक्रबार एमाले नेता एवम मुख्य सचेतक महेश कुमार बर्तौलाले शिलान्यास गरेका हुन ।
भवनको शिलान्यास कार्यक्रममा बोल्दै मुख्य सचेतक बर्तौलाले भवन निर्माण सप्पन्न भएपछी बालबालिकाले भवन अभावले गर्दा कठिन परिस्थितिका बिच अध्ययन गर्नुपर्ने बाध्यता नरहने बताए । यस्तै विद्यालयको भौतिक तथा शैक्षिक गुणस्तर सुधारको निम्ति आफु निरन्तर लाग्ने समेत प्रतिवद्धता व्यक्त गरे ।
विद्यालयको नयाँ भवन संघिय सरकार अन्तर्गत शहरी विकास मन्त्रालयको १ करोड लागतमा सघन शहरी तथा निर्माण आयोजना चितवनले बनाउन लागेको हो ।
अहिले विद्यालयमा १ देखि कक्षा ५ सम्म पठनपाठन हुँदै आएको भएपनि कक्षा कोठाको अभावले गर्दा सबै विद्यार्थीहरु एउटै कक्षा कोठामा अध्ययन गर्नुपर्ने बाध्यता रहँदै आएको छ ।
