काठमाडौँ । कमलपोखरीस्थित शान्दार मःम पसलमा भएको ग्यास विस्फोटको घटनामा थप एक जनाको मृत्यु भएको छ ।
मृत्यु हुनेमा काभ्रेको बेथानचोक घर भई कमलपोखरी बस्ने २५ वर्षीय छिरिङ लामा रहेका छन् । लामाको गएराति करिब पौने १२ बजेको समयमा कीर्तिपुरस्थित बर्न अस्पतालमा उपचारको क्रममा मृत्यु भएको हो ।
यससँगै घटनामा परेर मृत्यु हुनेको संख्या ४ जना पुगेको छ । यसअघि यस घटनामा २२ वर्षीय प्रदीप तामाङ, हेटौंडा घर भएका १८ वर्षीय रविन राई र उदयपुर घर भएका २० वर्षीय भीम बहादुर घलेको मृत्यु भएको थियो ।
