एजेन्सी । ग्र्यामी अवार्ड विजेता ब्रिटिश गायक एड शीरन आफ्नो म्याथम्याटिक्स भ्रमणको एक भागको रूपमा भारत भ्रमणमा छन् ।
गायक आइतबार बैंगलोरको चर्च स्ट्रीटमा लाइभ प्रदर्शन गर्दै थिए । बैंगलोर प्रहरीले गायकको सडक प्रदर्शन बीचमै रोक्यो । गायकको टोलीले कार्यक्रमका लागि प्रशासनबाट अनुमति नलिएको प्रहरीले जनाएको छ ।
तर, गायकको टोलीले प्रहरीलाई यस कार्यक्रमको लागि अनुमति लिएको जानकारी गराएको छ । प्रदर्शन केही मिनेट मात्रै चलेको तर भीड बढेपछि प्रहरीले हस्तक्षेप गरेको टोलीले जनाएको छ ।
एड शीरन बैंगलोरको सडकमा आफ्नो चर्चित गीत शेप अफ यू गाउँदै थिए । यसै क्रममा एक प्रहरीले शीरनको माइक्रोफोनको प्लग ताने । जसको भिडियो अहिले सामाजिक सञ्जालमा भाइरल भइरहेको छ ।
