काठमाडौँ । नेपाली चलचित्र ‘खुश्मा’को ‘रूकुम मैकोट’ बोलको गीत सबभन्दा छोटो समयमा १० करोड पटक हेरिने गीत बनेको छ ।
एसडी योगी र चर्चित लोकदोहोरी गायिका शान्तिश्री परियारको स्वर रहेको गीतले पाँच महिनामै १० करोड भ्युज पाउने पहिलो नेपाली गीतको कीर्तिमान बनाएको हो ।
यसअघि शान्तिश्रीकै अफिसियल गीत ‘अरेली काँडैले’ नेपाली लोक संगीतबाट १० करोड पटक हेरिने पहिलो गीत बनेको थियो । डेढ वर्षअघि सार्वजनिक गीतमा नेत्र अर्यालको शब्द, खेम सेञ्चुरीको संगीत र शान्तिश्रीको एकल स्वर रहेको छ ।
‘रूकुम मैकोट’ र ‘अरेली काँडैले’ युट्युबमा १० करोड भ्युज पाएपछि शान्तिश्रीले फेसबुकमा स्ट्याटस लेख्दै खुसी साटेकी छन् । उनले लेखेकी छिन् , ‘यो मेरो लागि निक्कै खुसीको कुरा हो । आदरणीय दर्शकुश्रोताहरूको अगाध माया पाएका कैयौं गीतहरूमा मेरो स्वर मिसिएका छन । यो अर्थमा म अलि भाग्यमानी नै हुँ जस्तो पनि लाग्छ । कर्म र भाग्यको संयोग कहिँ न कहिँ राम्रै मिलेको छ जस्तो पनि लाग्छ ।’
गीत संगीतमा अपार सफलता बनाएकी शान्तिश्रीले हालसालै काठमाडौंमा नयाँ घर समेत खरिद् गरेकी छन् ।
