न्युयोर्क। युएस एजेन्सी फर इन्टरनेसल डेभलपमेन्ट (युएसएड) का २२ सय कर्मचारीलाई बिदा गर्ने अमेरिकी राष्ट्रपति डोनाल्ड ट्रम्पको निर्णयलाई अदालतले रोक लगाएको छ।
यो योजना कार्यान्वयनको केही घण्टा अगाडि न्यायाधीश कार्ल निकोलसले अस्थायी प्रतिबन्ध आदेश जारी गरेका हुन् । बीबीसीकाअनुसार यस्तो आदेश दिने न्यायाधीशलाई ट्रम्प आफैँले अघिल्लो कार्यकालमा मनोनीत गरेका थिए ।
ट्रम्पले शुक्रबार मध्यरातदेखि यूएसएडका २२ सय कर्मचारीलाई बिदामा राख्ने घोषणा सुनाएका थिए । त्यसविरुद्ध कर्मचारी युनियनले मुद्दा दायर गरेका थिए ।
राष्ट्रपति ट्रम्पले संसारभर सहयोग कार्यक्रम सञ्चालन गरिरहेको यूएसएड बन्द गर्ने आदेश जारी गरिसकेका छन् । ट्रम्पले आफ्नो पहिलो कार्यकालमा मनोनीत गरेका न्यायाधीश निकोलसले यसबारेको लिखित आदेश पछि जारी गरिने बताएका छन।
साथै एलन मस्कले नेतृत्वमा गरेको डिपार्टमेन्ट अफ गर्भमेन्ट इफिसेन्सी (डोग)ले यसलाई रोक्न लागेको छ।
