एजेन्सी । क्यानडाली गायक जस्टिन बिबर र उनकी श्रीमती हेलीको छिट्टै सम्बन्ध विच्छेद हुन सक्ने बताइएको छ ।
मिडिया रिपोर्टका अनुसार यी दुबैले केही समय अघि सामाजिक सञ्जालमा एकअर्कालाई अनफलो गरेका थिए ।
हेलीले सम्बन्धविच्छेद पछि आफ्नो छोराको हिरासतमा राख्न चाहन्छिन् । यस्तो अवस्थामा उनले गायकसँग ३० करोड डलर अर्थात झण्डै ४१ सय करोड रुपैयाँको सम्पत्ति माग्न सक्छिन् ।
स्रोतका अनुसार हेलीले जस्टिनको लागुऔषधको बानीबाट चिन्तित भएकाले सम्बन्धविच्छेद गर्ने निर्णय गरेकी हुन् । केही समयअघि गायकको एउटा तस्विर सार्वजनिक भएको थियो जसमा उनी बोङ प्रयोग गरेको देखिएका थिए ।
हेलीले जस्टिनसँग विवाह गर्दा गायकले विवाहपछि लागुऔषधबाट टाढा रहने वाचा गरेका थिए । तर, पछि उनले यो वाचा तोडे । जस्टिनको यस्तो व्यवहारका कारण हेलीले आफ्नो र आफ्नो बच्चाको भविष्य सुरक्षित गर्नका लागि सम्बन्धविच्छेद गर्ने निर्णय गरेकी हुन् ।
केही समयअघि हलिउड गायक तथा हिप हप कलाकार सिन डिडी कम्ब्सलाई यौन उत्पीडन, यौन बेचबिखन र तस्करीको आरोपमा पक्राउ गरिएको थियो ।
यस मुद्दामा जस्टिन बिबरलाई पनि बयान दिन बोलाइएको छ । यस मामिलामा उनको नाम आएपछि जस्टिन निकै चिन्तित रहेको स्रोतले जनाएको छ । आफूमाथि लागेका कुनै पनि आरोप सत्य साबित भएमा आफ्नो करियर बर्बाद हुने उनको डर छ ।
पिपल म्यागजिनको रिपोर्टका अनुसार जस्टिन बिबरले मोडल हेली बाल्डविनसँग जुलाई ७, २०१८ मा इन्गेजमेन्ट गरेका थिए । यसैबीच, दुवै सन् २०१५ देखि सम्बन्धमा रहेको खबर आएको थियो तर २०१६ मा उनीहरुको ब्रेकअप भयो ।
तर, नोभेम्बर २०१८ मा विवाह गरेका यो जोडीले २०१९ मा परिवार र साथीहरूको लागि दक्षिण क्यालिफोर्नियामा वैवाहिक समारोह राखेका थिए ।
