जनकपुरधाम । कवाड व्यवसायी मुकेश यादवमाथि निर्ममतापूर्वक रड प्रहार गरी एक समूहले कुटपिट गरेको छ ।
जनकपुरधाम उपमहानगरपालिका ९ पिडारी चोकमा ३७ वर्षीय व्यवसायी यादवमाथि फलामका रड प्रहार गरी सामूहिक आक्रमण भएको हो ।
कुटपिटबाट गम्भीर घाइते भएका यादवलाई जनकपुरधाममा उपचार सम्भव नभएपछि थप उपचारका ललितपुरको बी एण्ड बी अस्पतालमा लगिएको धनुषाका प्रहरी प्रवक्ता डिएसपी वरुणबहादुरर सिंहले जानकारी दिए ।
शनिवार दिउँसो व्यावसायकै विषयमा छलफलको क्रममा विवाद भएपछि उनीमाथि आक्रमण भएको खुलेको डिएसपी सिंहले बताए । कुटपिटमा संलग्न रहेको आरोपमा प्रहरीले पाँच जनालाई नियन्त्रणमा लिएको छ । पक्राउ पर्नेमा जनकपुरधाम उपमहानगरपालिका १३ पीडारीका ४८ वर्षीय फेकु साह, १९ वर्षीय अमित साह, २४ वर्षीय तुल्सी साह, १९ वर्षीय सुभाष साह र भारत बिहारको सितामढी विष्णुपुर ३ बस्ने १७ वर्षीय विकास कुमार साह रहेका छन् ।
यसबारे थप अनुसन्धान भईरहेको डिएसपी सिंहले जानकारी दिए ।
