एजेन्सी । बलिउड अभिनेता सैफ अली खानमाथि हमला प्रकरणले नयाँ मोड लिएको छ । सैफमाथि आक्रमण गर्ने अभियुक्त शरीफुल इस्लामको औंठाछाप अभिनेताको घरबाट लिएको नमूनासँग मेल खाँदैन ।
सैफमाथि १५ जनवरीको राती हमला भएको थियो । प्रहरीले माघ २२ गते औंठाछाप र अन्य नमूना लिएको थियो । नमूना परीक्षणका लागि सिआइडी प्रयोगशालामा पठाइएको थियो ।
प्रहरीले घरको सिँढी, बाथरुमको ढोका र कान्छो छोरा जेहको कोठाको ढोकाको ह्यान्डलमा औंठाछाप लिएको थियो । यद्यपी घटनालगत्तै प्रहरीले ती स्थानहरूलाई सिल गरेको हो वा होइन भन्ने पुष्टि भएको छैन ।
यसअघि प्रहरीले सैफ अली खानमाथि भएको आक्रमणमा एकभन्दा बढी आरोपी संलग्न हुन सक्ने आशंका गरेको थियो ।
सैफ अली खानले प्रहरीलाई दिएको बयानमा भनेका थिए कि जनवरी १५ को राति उनी र उनकी श्रीमती करीना कपूर ११ औं तलामा आफ्नो बेडरूममा थिए जब उनीहरूले आफ्नी घरमा काम गर्ने एलियामा फिलिपको चिच्याएको आवाज सुने ।
तिनीहरू जहाँगीरको कोठातिर दौडे जहाँ एलियामा फिलिप पनि सुतिरहेका थिए । त्यहाँ उनले एक अपरिचित व्यक्तिलाई देखे । जहाँगीर पनि रोइरहेको थियो । सैफले अपरिचित व्यक्तिलाई समातेको बताए । यसपछि उनले आक्रमण गरे जसका कारण सैफ घाइते भए ।
अभिनेता सैफ अली खानलाई पाँच ठाउँमा छुरा प्रहार गरिएको थियो । उनको ढाड, नाडी, घाँटी, काँध र कुहिनोमा चोट लागेको छ । उनलाई उनका साथी अफिसर जैदीले अटो रिक्शामा मुम्बईको लीलावती अस्पताल लगेका थिए ।
