नयाँदिल्लीः काेराेनाभाइरस विरूद्धकाे खाेपकाे दाैडमा रहेकाे भारतमा प्रामाणिक खाेप तयार भइसकेकाे छैन । तर भारतीय स्वास्थ्य अनुसन्धान परिषदले श्वासप्रश्वास राेग विरूद्धका खाेपहरूकाे प्रभावकारिता १०० प्रतिशत नहुने जनाउँदै ५० प्रतिशत वा साेभन्दा बढी प्रभावकारिता हुने खाेपलाइ प्रयाेगमा स्वीकृति दिइने जनाएकाे छ ।
परिषदका महानिर्देशक डा बलराम भार्गवले जतिसक्दाे बढी प्रभावकारी खाेप निर्माण र प्रयाेग, वितरणमा जाेड दिइने बताउनुभयाे ।
उहाँले भन्नुभयाे, श्वासप्रश्वास राेग विरूद्धका कुनै पनि खाेपकाे प्रभावकारिता १०० प्रतिशत हुँदैन, छैन । विश्व स्वास्थ्य संगठनले नै ५० प्रतिशतभन्दा बढी प्रभावकारी भ्याक्सिनलाइ स्वीकार्न सकिने बताएकाे छ । हामीले १०० प्रतिशत नै सुरक्षित भ्याक्सिन बनाउन लागिपरेका छाैं, तर यसले पनि ५० देखि १०० प्रतिशतकै बीचमा मात्र प्रभाव सिर्जना गर्नेछ ।
विश्वभर अहिले काेभिडका सन्दर्भमा भ्याक्सिन बनाउन विकसित मुलुकहरूबीच हाेडबाजी चलेकाे छ, तर प्रामाणिक भ्याक्सिन बनाउन सकिएकाे छैन । रूस, चीन, बेलायत र अमेरिका अहिले भ्याक्सिन निर्माणकाे अन्तिम चरणमा पुगेका छन् ।
