काठमाडौं । जय ट्रफी एलिट कप २०८१ को फाइनल खेलअन्तर्गत दोस्रो दिनको लन्चअघि नेपाल पुलिस क्लबविरुद्ध त्रिभुवन आर्मी क्लब ४६ रनले पछाडि छ ।
वीरगञ्जस्थित नारायणी क्रिकेट मैदानमा आफ्नो पहिलो इनिङ्समा आर्मीले १७ ओभरमा ३ विकेटको क्षतिमा ८७ रन बनाएको छ । आर्मीका लागि भीम सार्कीले अर्धशतक बनाएर खेलिरहेका छन् । भीमले ५ चौका र ३ छक्का प्रहार गर्दै ५१ रनमा अविजित छन् । यस्तै, बसिर अहमद पनि १५ रनमा अविजित छन् ।
पुलिसका लागि सागर ढकालले ३ विकेट लिए ।
पहिलो दिनको खेलमा टस हारेर पहिले ब्याटिङ गरेको पुलिसले १७ ओभरमा २ विकेट गुमाएर ८५ रन बनाएको थियो । दोस्रो दिन ४८ रन थप्दा ७ विकेट गुमाएपछि पुलिसले १३३-९ को अवस्थामा इनिङ ईन्डको घोषणा गरेको थियो । पुलिसका लागि ओपनर कुशल भुर्तेलले सर्वाधिक ५१ रन बनाए भने अर्जुन साउदले २८ र अमित श्रेष्ठले २० रन बनाएर आउट भए ।
आर्मीका साहब आलमले ७ विकेट लिए भने सोमपाल कामी र बसिर अहमदले एक/एक विकेट लिए ।
