काठमाडौँ । महिला यू-१९ क्रिकेट विश्वकप खेल्न मलेसिया पुगेको नेपाली टिमले पहिलो अभ्यास खेलमा हार बेहोरेको छ ।
मलेसियास्थित कोलेज टुनकु जाफर मैदानमा सम्पन्न खेलमा नेपाल वेस्ट इन्डिजसँग९ रनले पराजित भएको हो ।
वेस्ट इन्डिजले दिएको ११० रनको लक्ष्य पछाएको नेपालले २० ओभरमा अल आउट हुँदै १०० रन बनाएको थियो । नेपालका लागि सीमाना केसीले २३ र किरण कुँवरले १८ रन बनाएकी थिइन् ।
यसअघि पहिला ब्याटिंग गर्दै वेस्ट इन्डिजले ४ विकेट गुमाउँदै १०९ रन बनाएको थियो ।
नेपालले विश्वकपका खेल खेल्नु अघि जनवरी १५ मा अमेरिकाविरुद्ध पनि अभ्यास खेल खेल्ने तालिका रहेको छ ।
विश्वकपमा नेपाल समूह डी मा रहेको छ । समूह डी मा नेपालसहित अस्ट्रेलिया, बंगलादेश र स्कटल्याण्ड रहेका छन् । नेपालले पहिलो खेल जनवरी १८ मा बंगलादेशसँग खेल्नेछ भने दोस्रो खेल जनवरी २० मा स्कटल्याण्डसँग खेल्नेछ । त्यस्तै जनवरी २२ मा अस्ट्रेलियासँग खेल्ने तालिका रहेको छ ।
मलेसियामा जनवरी १८ देखि शुरु हुने यस विश्वकपमा १६ देशले भाग लिदै छन् ।
