काठमाडौं । आर्सनल एफए कप फुटबल प्रतियोगिताबाट बाहिरीएको छ ।
भर्खरै सम्पन्न खेलमा म्यान्चेस्टर युनाइटेडसँग पेनाल्टी सुटआउटमा पराजित भएसँगै आर्सनल तेस्रो चरणबाटै बाहिरिएको हो ।
आर्सनलको घरेलु मैदान एमिरेट्समा खेल निर्धारित ९० तथा अतिरिक्त समयसम्म १-१ गोलको बराबरीमा सकिएसँगै खेल टाइब्रेकरमा पुगेको थियो ।
जसमा म्यान्चेस्टर युनाइटेड ५-३ गोलले विजयी बन्यो । आर्सनलका काइ हाभेर्ट्ज पेनाल्टीमा गोल गर्न चुके ।
त्यसअघि ५२ औं मिनेटमा युनाइटेडका ब्रुनो फर्नान्डेजले तथा ६३ औं मिनेटमा आर्सनलका गाब्रीएलले गोल गरेका थिए ।
खेलको ६१ औं मिनेटमा युनाइटेडका डिओगो डालोटले रातो कार्ड खाएपछि युनाइटेड १० खेलाडीमा समेटिएको थियो जसको फाइदा आर्सनलले उठाउन भने सकेन ।
योसँगै युनाइटेडले अर्को चरणमा लेस्टर सिटिसँग प्रतिस्पर्धा गर्नेछ ।
