काठमाडौं । कोरोना भाइरसको संक्रमणबाट सैनिक जवानको मृत्यु भएको छ । काठमाडौं उपत्कामा कार्यरत बझाङका एक सैनिकको मृत्यु भएको हो ।
असोज ६ गते छारे रोगको लक्षण देखिएपछि आईसीयूमा भर्ना गरिएका उनलाई ८ गते कोरोना संक्रमण पुष्टि भएको थियो । उनको शुक्रबार वीरेन्द्र अस्पताल, छाउनीमा मृत्यु भएको हो ।
यससँगै कोरोना संक्रमणबाट मृत्यु हुने सैनिकको संख्या २ पुगेको छ ।
जङ्ग्गी अड्डाका अनुसार सेनामा हालसम्म २ हजार १९७ जनामा संक्रमण पुष्टि भएको छ । उनीहरुमध्ये ५३९ जना संक्रमणमुक्त भएका छन् ।
