काठमाडौं: नेपाल राष्ट्र बैंकले बैंक तथा वित्तीय संस्थासम्बन्धी कार्यमा राष्ट्रिय परिचयपत्र प्रयोग गर्नुपर्ने विषयलाई पुन: स्पष्ट पारेको छ।
सरकारले २०८१ असार १० गते प्रकाशन गरेको राजपत्रमा २०८१ माघ १ गतेदेखि, बैंक खाता खोल्न वा वित्तीय सेवाहरु प्राप्त गर्न राष्ट्रिय परिचयपत्र नम्बर अनिवार्य गरिएको थियो ।
राष्ट्रिय परिचयपत्र बनाउन सहजता सुनिश्चित गर्न जिल्ला प्रशासन कार्यालयहरुबाट नियमित रुपमा सेवा प्रदान भइरहेको छ। यसबाहेक, काठमाडौँ उपत्यकाका केही ठाउँमा अस्थायी शिविर स्थापना गरी परिचयपत्र प्रदान गर्ने व्यवस्था गरिएको पनि बैंकले जनाएको छ।
नेपाल राष्ट्र बैंकले सबै बैंक तथा वित्तीय संस्थाहरुलाई ग्राहकहरुलाई सहयोग पुर्याउन निर्देशन दिँदै राष्ट्रिय परिचयपत्र नम्बर अनिवार्यरूपमा प्रयोग गर्न आग्रह गरेको छ।
