एजेन्सी । अस्ट्रेलियाका कप्तान प्याट कमिन्सको आईसीसी च्याम्पियन्स ट्रफी खेल्नेमा शंका उत्पन्न भएको छ ।
उनको खुट्टामा चोट लागेको छ, जसका लागि उनको स्क्यान गर्नुपर्नेछ । अस्ट्रेलियाका मुख्य चयनकर्ता जर्ज बेलीले प्याट कमिन्सको फिटनेसको बारेमा जानकारी दिएका छन् ।
बेलीले भने, ‘प्याट दोस्रो पटक बुवा बन्न लागेका छन्, जसका लागि उनी अहिले ब्रेकमा छन् । उनको खुट्टामा हल्का चोट लागेको छ । उनको अर्को हप्ता स्क्यान हुनेछ, त्यसपछि उनको चोटको अवस्था थाहा हुनेछ ।’
जब उनलाई कमिन्सले च्याम्पियन्स ट्रफी खेल्न पाउनेछन् कि भनेर सोध्दा उनले भने, ‘अहिले नै केही भन्न मिल्दैन । स्क्यान रिपोर्ट हेरेपछि मात्र निर्णय हुनेछ ।’ पाकिस्तानको आयोजनामा च्याम्पियन्स ट्रफी २०२५ फेब्रुअरी १९ बाट सुरु भई मार्च ९ सम्म चल्नेछ ।
अस्ट्रेलियाले हालै कमिन्सको कप्तानीमा भारत विरुद्ध बोर्डर-गावस्कर ट्रफी ३-१ ले जितेको थियो । बीजीटीमा कमिन्स टोलीका सर्वाधिक विकेट लिने खेलाडी थिए । उनले आफ्नो टोलीलाई २०२३ को एकदिवसीय विश्वकपको उपाधि पनि दिलाएका थिए ।
