काठमाडौँ । स्पेनिस सुपर कपको उपाधिका लागि रियल मड्रिड र बार्सिलोनाबीच प्रतिस्पर्धा हुने भएको छ ।
गएराति भएको सेमिफाइनल खेलमा रियलले मलोर्कालाई ३-० गोलले हराउँदै फाइनलमा स्थान बनाएपछि फाइनलमा ‘एल क्लासिको’ भिडन्त हुने भएको हो ।
रियललाई जित दिलाउन जुड बेलिङम र रोड्रिगोले गोल गरे । एक गोल भने रियलले उपहारस्वरुप पायो । मलोर्काका मार्टिन भालेन्टले आत्मघाती गोल गरेका हुन् ।
यसअघि अर्को सेमिफाइनलमा बार्सिलोनाले एथ्लेटिक बिल्वाओलाई २-० गोलले हराउँदै फाइनलमा स्थान बनाएको थियो ।
फाइनल खेल आउँदो आइतबार मध्यरातमा पौने एक बजे साउदीको किंग अब्दुल्लाह स्पोर्ट्स सिटी स्टेडियममा हुनेछ ।
