काठमाडौं । जिल्ला अदालत कास्कीले राष्ट्रिय स्वतन्त्र पार्टी (रास्वपा)का सभापति रवि लामिछानेलाई ६५ लाख रुपैयाँ धरौटीमा छाड्न आदेश गरेको छ ।
उक्त धरौटी बुझाएपछि लामिछानेलाई काठमाडौं ल्याउने तयारी गरिएको छ । लामिछानेविरुद्ध काठमाडौंमा पनि मुद्दा दायर भएकाले काठमाडौं पठाइने भएको हो ।
कास्की जिल्ला अदालतका न्यायाधीश नीतिज राईको इजलासले उनलाई धरौटीमा छाड्न आदेश दिएको हो । उक्त आदेशसँगै अब उनले ६५ लाख धरौटी तिर्नुपर्नेछ । धरौटी तिर्न नसकेको अवस्थामा भने उनी कारागार चलान हुनेछन् ।
