कारबाओ कपका नामले परिचित इङलिस फुटबल लिग वा लिग कप अन्तर्गत बुधबार राति भएको खेलमा टोटेनह्यामसँग लिभरपुल स्तब्ध भएको छ ।
टोटेनह्यामको रंगशालामा भएको पहिलो लेगको सेमिफाइनल खेलमा खेलको उत्तराद्र्धमा टोटेनह्यामले गोल गरी १–० गोल अन्तरले खेल जित्यो । यद्यपी यी दुई बीच हुने दोस्रो खेलले फाइनल यात्रा तय गर्नेछ ।
निकै प्रतिस्पर्धात्मक र रोमाञ्चक यस खेलमा इङलिस प्रिमियर लिगको शीर्ष स्थानमा रहेको लिभरपुलले निरन्तर आक्रमण गरी गोल गर्ने अनेकन मौका सिर्जना गरेको थियो, तर अन्तत: भाग्यशाली बन्यो टोटेनह्याम । खेलको ८६औं मिनेटमा टोटेनह्यामका फर्वार्ड लुकास बर्गभ्यालले डिबक्स भित्रबाट प्रहार गरेको बल गोलमा परिणत भएको थियो ।
खेल अवधिमा झण्डै ६१ प्रतिशत अवधि लिभरपुलले बललाई आफ्नो नियन्त्रणमा राखी १४ पटक टोटेनह्यामको पोस्टमा प्रहार गरेको थियो तर टोटेनह्यामका गोलरक्षक र डिफेन्सले यी आक्रमणलाई निस्तेज बनाएका थिए ।
यी दुई टिमबीच अब फेब्रुअरी ७ मा लेगको दोस्रो खेल हुनेछ ।
यस्तै, अर्को सेमिफाइनल खेलमा आर्सनल न्यूक्यासलसँग २–० गोलले निराश बन्यो । न्यूक्यालका लागि अलेक्जान्डर इसाक र एन्थोनी गोर्डोनले गोल गरेका थिए ।
यी दुई टिमबीच आगामी फेब्रुअरी ६ मा दोस्रो लेगको खेल हुनेछ ।
