काठमाडौँ । अखिल नेपाल फुटबल संघ (एन्फा) र साउदी अरेबियन फुटबल फेडेरेसन (साफ)बीच फुटबल विकासका लागि सम्झौता भएको छ।
एन्फा अध्यक्ष कर्मा छिरिङ शेर्पा र साफ अध्यक्ष यासेर अलमिसेहालले सम्झौतापत्रमा हस्ताक्षर गरेका हुन् ।
दुवै देशले फुटबल विकाशको लागि सहकार्य गर्ने सम्झौता पत्रमा उल्लेख छ ।
दुवै देशका विभिन्न उमेर समूह यू– १७, यू– २० र यू– २३ को मैत्रिपूर्ण खेल तथा प्रशिक्षणमा सहकार्य हुने, रेफ्रीको स्तरोन्नती, रेफ्री शिक्षा, भीएआरबारे ज्ञान र रेफ्री नियुक्तिसम्बन्धी कार्यक्रमहरु आदानप्रदान हुने एन्फाले जनाएको छ ।
युवा फुटबल विकासका लागि विभिन्न कार्यशाला, बैठक र सेमिनारहरू आयोजना गरिने पनि एन्फाले उल्लेख गरेको छ ।
शेर्पा हाल साउदीको भ्रमणमा रहेका छन् ।
