काठमाडौं । नेकपा माओवादी केन्द्रका उपमहासचिव जनार्दन शर्माले पार्टी अध्यक्ष निर्वाचन प्रक्रियाबाट चुनिएर आउनुपर्ने बताएका छन् ।
काठमाडौंमा जारी केन्द्रीय समितिको बैठकमा विशेष समयमा बोल्दै शर्माले विधान सम्मेलनबाट पार्टीका सबै कमिटी निर्वाचनको प्रक्रियाबाट चयन हुने निर्णय भइसकेकाले अध्यक्ष पनि निर्वाचित भएर आउनुपर्ने बताए ।
पार्टीलाई प्राइभेट कम्पनी जसरी चलाएर बाहिर आलोचना हुने गरेको चर्चा गर्दै उनले त्यस्तो आलोचना चिर्नका लागि पनि अध्यक्ष निर्वाचनबाट चुनिएर आउनुपर्ने धारणा राखेको एक केन्द्रीय सदस्यले जानकारी दिए ।
यस्तै, शर्माले नेताहरूको सम्पत्ति छानबिन गर्न स्वतन्त्र उच्चस्तरीय आयोग गठन गर्न पनि ,प्रस्ताव गरेका छन् । साथै, उनले पार्टीको तीन महिने अभियान सञ्चालन थर्न र आगामी भदौमा महाधिवेशन गर्न प्रस्ताव गरेका छन् ।
