काठमाडौं । नेकपा (एमाले) केन्द्रीय कमिटीको आठौँ बैठकमा अध्यक्ष केपी शर्मा ओलीको राजनीतिक प्रतिवेदनमाथि सदस्यहरूले धारणा राख्ने क्रम सकिएको छ ।
पार्टी मुख्यालय च्यासलमा जारी बैठकमा मंगलबार अध्यक्ष ओलीले सदस्यका प्रश्नको जवाफ दिइरहेका छन् ।
गएको आइतबारको बैठकमा ओलीले राजनीतिक प्रतिवेदन प्रस्तुत गरेका थिए ।
सोही प्रतिवेदनमाथि केन्द्रीय सदस्यहरूलाई बोल्न तीन मिनेटको समय दिइएको थियो ।
उनीहरूले पार्टीमा गुटबन्दी बढेको, सरकारले प्रभावकारी काम गर्न नसकेको धारणा राखेका थिए ।
आगामी माघदेखि तीन महिने वडा केन्द्रित कार्यक्रम गर्ने कार्ययोजना पारित गरेर बैठक सक्ने एमालेको तयारी छ ।
