काठमाडौँ । दोस्रो टेस्टमा दक्षिण अफ्रिकाले पाकिस्तानलाई १० विकेटले पराजित गरेको छ ।
केप टाउनको न्युल्यान्ड्स स्टेडियममा चौथो दिनको खेलमा घरेलु टोलीले ६१ रनको लक्ष्य पाएको थियो जुन टोलीले बिना कुनै क्षति ७.१ ओभरमा पुरा गरेको थियो ।
दक्षिण अफ्रिकाले पहिलो टेष्ट २ विकेटले जितेकाले सिरिज पनि घरेलु टोलीको नाममा रह्यो ।
पहिलो इनिङ्समा २५९ रनको म्याराथन इनिङ खेल्दै ओपनर रायन रिकेल्टन प्लेयर अफ द म्याच भए । १० विकेट लिने मार्को जान्सन प्लेयर अफ दि सिरिज चुनिए ।
चौथो दिनको दोस्रो इनिङ्समा पाकिस्तानले २१३र१ रन बनाएको थियो । शान मसुदले १०२ रन बनाएर अगाडि खेल्न थाले । खुर्रम शहजाद १८ रन बनाएर आउट भए । उनीपछि सबै ब्याट्सम्यानले राम्रो सुरुवात गरे पनि ठूलो इनिङ्स खेल्न सकेनन् ।
मसुद १४५ रन बनाएर आउट भए । उनीपछि कामरान गुलाम २८, साउद शकील २३, मोहम्मद रिजवान ४१, सलमान आगा ४८, आमिर जमाल ३४ र मिर हम्जा १६ रन बनाएर आउट भए । टोलीले दोस्रो इनिङ्समा ४७८ रन बनाएर दक्षिण अफ्रिकालाई ६१ रनको लक्ष्य दिएको थियो ।
बलिङमा दक्षिण अफ्रिकाका कागिसो रबाडा र केशव महाराजले ३–३ विकेट लिए । मार्को जान्सनले २ तथा क्वेना माफाकाले १ विकेट लिए । माफाकाले मसुदको ठूलो विकेट लिए । टोलीका ३ बलरले १०० भन्दा बढी रन दिए ।
दक्षिण अफ्रिकाले दोस्रो इनिङ्समा रायन रिकेल्टनको स्थानमा डेभिड बेडिङह्यामलाई ओपनिङमा पठायो । उनले तीव्र ब्याटिङ गर्दै ३० बलमा ४७ रन बनाएर टोलीलाई जित दिलाए । उनले ५ चौका र २ छक्का प्रहार गरे । उनका अगाडि एडेन मार्कराम १३ बलमा १४ रन बनाएर नटआउट रहे ।
