रसिद खानको कसिलो बलिङका कारण दिल्ली क्यापिटल्स सनराइजर्स हैदरावादसँग १५ रनले पराजित भएको छ ।
टस हारेर पहिले ब्याटिङको निम्तो पाएको हैदराबादले निर्धारित २० ओभरमा ४ विकेट गुमाउँदै १६१ रनको मध्यम स्कोर बनाएको थियो । हैदराबादका लागि डेभिड वार्नरले ४५, जोन्नी बेयरस्टले ५३, केन विलियम्सनले ४१ रनको महत्वपूर्ण पाली खेलेका थिए ।
जितका लागि १६२ रनको लक्ष पाएको दिल्ली क्यापिटल्स २० ओभरमा ७ विकेट गुमाउँदै १४७ रन मात्र बनाउन सक्यो । जसमा अफगानी बलर रसिद खानले दिल्ली क्यापिटल्सका तीन खेलाडीलाई पभेलियन फर्काए ।
रसिदले ४ ओभरमा १४ रनमात्र दिए जुन २०–२० क्रिकेटमा निकै दुर्लभ क्षण हो । रसिदको बलिङमा दिल्ली क्यापिटल्सका रिसभ पन्त, कप्तान श्रेयस ऐयर र शिखर धवन आउट भएका थिए । रसिद खान प्लेयर अफ दी म्याच घोषित भए ।
यसबाहेक भुवनेश्वर कुमारले पनि २५ रनमात्र दिएर २ विकेट लिए ।
आज बुधबारको खेल राजस्थान रोयल्स र कोलकोता नाइट राइडर्सबीच हुनेछ ।
