बाँके । नेपालगन्ज मेडिकल कलेज शिक्षण अस्पताल कोहलपुरमा उपचाररत दुई जना कोरोना संक्रमितको मृत्यु भएको छ । अस्पतालमा उपचाररत क्रममा बाँके र सुर्खेतका एक एक जनाको मृत्यु भएको हो ।
नेपालगन्ज उपमहानगरपालिका–४ का ५२ वर्षका पुरुषको बिहान ५ः२० मा मृत्यु भएको जिल्ला स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठले बताए । मृतक पुरुषमा १२ असोजमा कोरोना पुष्टि भएको थियो । उनलाई फोक्सोमा निमोनिया भएको क्षेष्ठले बताए ।
यस्तै सुर्खेत भेरीगंगा नगरपालिका–५ का ७५ वर्षीया महिलाको बिहीबार राति १ बजेतिर मृत्यु भएको हो । दुर्घटनामा परेर ढाड भाँच्चिएको, मृगौला र पित्तथैलीको समस्या रहेको जिल्ला स्वास्थ्य कार्यालय बाँकेले जनाएको छ ।
बाँके जिल्लामा कोरोनाबाट ज्यान जानेको संख्या १७ पुगेको छ ।
