भैरहवा । युनिभर्सल शिक्षण अस्पताल भैरहवामा उपचाररत एक जना कोरोना संक्रमितको मृत्यु भएको छ ।
बिहीबार सिद्धार्थनगर नपा–१ बेलहिया निवासी ६५ वर्षीय कोरोना संक्रमित पुरुषको मृत्यु भएको हो ।
गत सोमबार अस्पतालमा भर्ना भएका ती पुरुष निमोनियाबाट पीडित भएको अस्पतालका सूचना अधिकारी सुशिल गुरुङले बताए ।
गुरुङका अनुसार युनिभर्सल शिक्षण अस्पतालमा हाल ९ जना कोरोना संक्रमित बिरामी उपचारार्थ छन् । जसमध्ये, ६ जना आईसीयूमा, २ जना भेन्टिलेटरमा र १ जना आइसोलेसनमा छन् ।
