काठमाडौं । सरकारले संसदको हिउँदे अधिवेशन बोलाउने तयारी गरेको छ ।
सत्तारुढ नेकपा (एमाले)का प्रमुख सचेतक महेश बर्तौलाका अनुसार अधिवेशन बोलाउनेबारे सरकारले आन्तरिक तयारी गरिरहेको छ ।
बर्तौलाले भने, ‘हिउँदे अधिवेशन बोलाउने तयारीमा सरकार छ । पुसको अन्तिमसम्ममा बोलाउनेगरी छलफल अघि बढेको छ ।’
यस्तै, आगामी अधिवेशनबाट संसदमा विचाराधीन विधेयकहरूलाई टुंगोमा पुर्याउनेगरी छलफल अघि बढाइएको पनि बर्तौलाले जानकारी दिए ।
विपक्षी दलहरूले सरकारले संसद अधिवेशन नबोलाएको भन्दै विशेष अधिवेशन बोलाउने चेतावनी समेत दिँदै आइरहेका छन् ।
