काठमाडौं । काठमाडौं उपत्यका प्रहरी कार्यालय रानीपोखरीमा प्रमुख प्रहरी अतिरिक्त महानिरीक्षक (एआइजी) टेकबहादुर तामाङको सरुवा भएको छ ।
मंगलबारको मन्त्रिपरिषद् बैठकको निर्णयअनुसार प्रहरी प्रधान कार्यालयको अपराध अनुसन्धान विभागमा कार्यरत तामाङ रानिपोखरीमा सरुवा भएका हुन् ।
काठमाडौं उपत्यका प्रहरी कार्यालयले काठमाडौं, ललितपुर र भक्तपुर गरी तीन जिल्लाको कमाण्ड गर्छ । रानिपाखेरीमा कार्यरत रहेकी एआईजी किरण बज्राचार्य उमेरहदका कारण अनिवार्य अवकाश भएपछि उक्त ठाउँमा तामाङलाई सरुवा गरिएको हो ।
