काठमाडौं । प्रधानमन्त्री केपी ओलीको कोरोना रिपोर्ट नेगेटिभ आएको छ । प्रधानमन्त्री ओलीसँग नजिक रहेर काम गर्ने सल्लाहकारहरूलाई कोरोना संक्रमण भएपछि उनको पनि स्वास्थ्यबारे चासो बढेको थियो ।
प्रधानमन्त्री निवास बालुवाटार स्रोतका अनुसार प्रधानमन्त्री ओलीको बिहीबार स्वाब संकलन गरिएको थियो। ओलीको भने रिपोर्ट नेगेटिभ आएको बताइएको छ । प्रधानमन्त्रीको सचिवालय स्रोतले जनाएअनुसार प्रधानमन्त्रीको बिहीबार स्वाब लिइएको थियो र त्यसको रिपोर्ट शनिबार अपरान्ह आएको हो । स्रोतले भन्यो रिपोर्ट नेगेटिभ छ ।
आजै मात्र प्रधानमन्त्री निवासमा खटिएका कम्तीमा पनि ६५ जना सुरक्षाकर्मीहरूलाई कोरोना संक्रमण देखिएपछि प्रधानमन्त्री, स्वकिय सचिव इन्द्र भण्डारी, विकास विज्ञ गजेन्द्र थपलिया, प्रेस सल्लाहकार सूर्य थापा, राजनीतिक सल्लाहकार विष्णु रिमाललगायत कन्ट्याक्ट ट्रेसिङमा परेका थिए।
उनीहरु सबैको रिपोर्ट पोजेटिभ आएको छ भने प्रधानमन्त्रीको नेगेटिभ छ समाचार स्रोतले भन्यो ।
