काठमाडौँ । प्रधानमन्त्री केपी शर्मा ओलीसँग चर्चित कमेन्टेटर एन्ड्रयु लिओनार्डले भेट गरेका छन् ।
एन्ड्रयुले नेपाल क्रिकेट संघ (क्यान)का सचिव पारस खड्का सहित आज प्रधानमन्त्रीसँग भेटेर नेपाल प्रिमियर लिग (एनपिएल)को बारेमा छलफल गरेको प्रधानमन्त्रीले सामाजिक सञ्जालमार्फत जनाएका छन् ।
प्रधानमन्त्री ओलीले सामाजिक सञ्जालमा लेखेका छन् –
एन्ड्र्यु लिओनार्ड (Andrew Leonard) नेपाली क्रिकेटलाई माया गर्नुहुन्छ । उहाँ आफ्ना उद्घोषणहरुमा नेपाली समाज, कला र संस्कृतिलाई समेत जोड्नुहुन्छ । मलाई उहाँको कमेन्ट र प्रस्तुति मन पर्छ। क्यानका सचिव पारस खड्का सहित आज उहाँसँग अहिले चलिरहेको एनपीएलका विषयमा कुरा भयो ।
