काठमाडौं । महिला यू-१९ एसिया कपमा नेपाललाई हराउदै बंगलादेश फाइनलमा पुगेको छ ।
आज भएको सुपर फोर अन्तरगतको खेलमा बंगलादेशसँग ९ विकेटको पराजित हुँदै नेपाल बाहिरिएको हो ।
वर्षाका कारण ११ ओभरमा छोट्याइएको खेलमा नेपालले टस हारेर पहिले ब्याटिङ गरेको थियो । नेपालले ११ ओभरमा आठ विकेट गुमाएर ५४ रनको योगफल बनायो । नेपालका लागि ओपनर सावित्री धामीले सर्वाधिक ११ रन जोडिन् । त्यस्तै कप्तान पुजा महतो नौ तथा एलिशा यादवले आठ रन बनाइन ।
बंगलादेशले एक विकेट क्षतिमा ९.५ ओभरमा ५४ रनको लक्ष्य भेटेको हो ।
