काठमाडौं । नेपाल प्रीमियर लिग (एनपिएल)अन्तरगत आजको दोस्रो खेलमा चितवन राइनोज र जनकपुर बोल्ट्सबीच प्रतिस्पर्धा भइरहेको छ ।
किर्तिपुरस्थित टियु मैदानमा जारी खेलमा चितवनले जनकपुरलाई १८१ रनको लक्ष्य दिएको छ । टस जितेर पहिले ब्याटिङ थालेको चितवनले २० ओभरमा ५ विकेट गुमाएर १८० रन जोड्यो ।
उसका लागि कप्तान कुशल मल्लले बिस्फोटक पारी खेले ।
उनले ४१ बलमा ७२ रन जोडे । मल्लले ७ छ्क्का र तीन चौका हिर्काए । यस्तै रबि बोपाराले ४४ तथा हसन इसाकहिलले २८ रनको योगदान दिए ।
बलिङतर्फ जनकपुरका ललित राजवंशीले दुई तथा हर्ष ठाकर, मोहम्मद मोहसिन र जेम्स निशमले एक-एक विकेट लिए ।
