काठमाडौँ / राजधानीमा जारी नानहाई बौद्ध सम्मेलनमा सहभागी विभिन्न २८ मुलुकका २०० बढी बौद्ध धर्मगुरुको प्रतिनिधिमण्डल लुम्बिनी प्रस्थान गरेको छ।
यही मंसिर २८ सुरु भएको उक्त सम्मेलन यही ३० गतेसम्म चल्दैछ । सम्मेलनले खासगरी विश्वमा बढ्दै गएको द्वन्द्व तथा हिंसालाई सद्भावमा परिणत गर्न बुद्धधर्म तथा दर्शनको उपादेयता बारेमा चर्चा गर्नेछ ।
बौद्धदर्शन तथा धर्मको महत्वलाई विश्वमा पुर्याउन विभिन्न सम्प्रदायमा विभक्त बौद्ध धर्मावलम्बीको एकतामा सो सम्मेलनका अवसरमा जोड दिइएको छ। सो टोली भोलि नै काठमाडौँ फर्कने जनाइएको छ।
सभ्यताको विकासको लागि विचार आदानप्रदान गर्न सम्मेलन महत्वपूर्ण हुने विश्वास गरिएको उक्त सम्मेलन अन्तर्गत काठमाडौँ फोरम र युवा फोरम सम्मेलन पनि आयोजना गरिएको छ।
