काठमाडौं । नेपाल प्रिमियर लिगमा आज दुई खेल हुँदैछन् । कीर्तिपुरस्थित त्रिभुवन विश्वविद्यालयको खेल मैदानमा जारी नेपाल प्रिमियर लिगमा आज बिहान हुने पहिलो खेलमा लुम्बिनी लायन्स र कर्णाली एक्सबीच प्रतिस्पर्धा हुने छ ।
लुम्बिनी शीर्ष चारको होडबाट बाहिरिइसकेको छ । कर्णाली आज जित हात पारेर अघिल्लो चरणमा पुग्ने सम्भावनालाई बलियो बनाउने चाहन्छ ।
आजै हुने दोस्रो खेलमा विराटनगर किङ्स र चितवन राइनोजबीच प्रतिस्पर्धा हुने छ । आजको खेलमा पराजित भए विराटनगर पनि लिग चरणबाटै बाहिरिने छ ।
