काठमाडौँ । नेपाल प्रिमियर लिग (एनपीएल)अन्तर्गत आजको पहिलो खेलमा विराटनगर किंग्स र पोखरा एभेन्जर्सबीच प्रतिस्पर्धा हुँदैछ ।
कीर्तिपुरस्थित टियु मैदानमा सुरु हुन गइरहेको खेलमा विराटनगर किंग्सले पहिले ब्याटिङ गर्ने भएको छ ।
विराटनगरका कप्तान सन्दीप लामिछानेले टस जितेर पहिले ब्याटिङ गर्ने निर्णय लिएका हुन् ।
दुबै टोलि प्लेअफ आशा कायमै राख्ने प्रयासमा रहेका छन् । चार खेल खेलिसक्दा पोखरा र विराटनगरले समान १ खेल जित्दै २ अंक मात्र जोडेकाले दुवै टिमलाई यो खेल जित्नु उत्तिकै महत्वपूर्ण छ ।
