काठमाडौं । नेपाल प्रिमियर लिग (एनपीएल)मा आज पहिलो खेलमा जनकपुर बोट्स र सुदूरपश्चिम रोयल्स प्रतिस्पर्धा गर्दैछन् ।
दुबै टोली प्रतियोगिताका उपाधि दावेदार हुन् । टियु क्रिकेट मैदानमा यो खेल बिहान ९ बजे हुनेछ । लिग तालिकाको शीर्ष २ स्थानमा रहेका जनकपुर र सुदुरपश्चिम बीचको खेल रोमाञ्चक र प्रतिस्पर्धात्मक हुने अनुमान गरिएको छ ।
मधेश प्रदेशको टोली जनकपुर जारी प्रतियोगितामा अपराजित छ । आजको खेल जिते जनकपुर प्लअफका लागि छनोट हुनेछ उसले लिग चरणमा बिराटनगर, कर्णाली, पोखरा र लुम्बिनीलाई पराजित गरिसकेको छ । आफ्नो अन्तिम खेलमा लुम्बिनीविरुद्ध १ रनको रोमाञ्चक जित हात पारेको जनकपुर लगातार पाँचौं जितको खोजिमा हुनेछ ।
लगतार ३ जितपछि आफ्नो अघिल्लो खेलमा सुदूरपश्चिम चितवन राइनोजसँग ३३ रनले पराजित भएको थियो । सुदरपश्चिम पुरारागमन जितको खोजीमा हुनेछ । आजको खेल जिते सुदूरपश्चिमले अन्तिम ४ मा पुग्ने सम्भावनालाई बलियो बनाउने छ ।
जारी प्रतियोगितका तेस्रो शीर्ष रनकर्ता लाहिरु मिलन्था र कप्तान अनिस साहको सानदार ब्याटिङमा विपक्षीविरुद्ध हावी हुँदै आएको जनकपुरमा हर्ष ठाकरले अलराउण्ड प्रदर्शन गरिरेहका छन् । ललित राजवंशी सवार्धिक विकेट लिने खेलाडीको तेस्रो स्थानमा छन् । हर्ष र ललितको नाममा समान ८–८ विकेट छ । हर्ष यो सूचीमा चौथो स्थानमा छन् ।
४ मध्य ४ खेल जित्दै ८ अंक जोडेको जनकपुर लिगको शीर्ष स्थानमा छ । समान खेलमा ३ जित र हार बेहोरेको सुदूरपश्चिम दोस्रो स्थानमा छ ।
