पेरिसः फ्रेन्च ओपन टेनिसमा पुरुष तर्फको एकल उपाधि स्पेनी खेलाडी राफेल नाडालले जितेका छन् ।
आइतबार पेरिसको रोलाँ ग्यारोसमा भएको खेलमा सर्वियाली विश्व नं. १ नोभाक जोकोभिचलाई नाडालले ६–०, ६–२ र ७–५ को सोझो सेटमा पराजित गरे ।
यो उनको २०औं ग्रान्डस्लाम उपाधि हो भने क्ले कोर्टका बादशाहको उपमा पाएका नाडालको यो १३औं फ्रेन्च ओपन उपाधि हो ।
नाडालले सर्वाधिक ग्रान्डस्लाम जितेका रोजर फेडररको बराबरी पनि गरेका छन् ।
जोकोभिचले हालसम्म १७ वटा ग्रान्डस्लाम जितेका छन् । लन टेनिसका सन्दर्भमा फ्रेन्च ओपन, युएस ओपन, अस्ट्रेलियन ओपन र विम्बल्डनलाइ ग्रान्डस्लाम भन्ने गरिन्छ ।
एजेन्सी
