काठमाडौँ । नेपाल प्रिमियर लिग (एनपिएल) अन्तर्गत पोखराले तेस्रो हार ब्यहोरेको छ । भर्खरै सम्पन्न खेलमा पोखरा कर्णाली याक्ससँग ७ विकेटले पराजित भएको हो ।
पोखराले दिएको १०४ रनको लक्ष्य कर्णालीले १५ ओभरमा ३ विकेट गुमाएर भेट्टायो । उसका लागि गुलशन झाले अविजित ४९ तथा चाविक वाल्टनले ४२ रनको योगदान दिए ।
बलिङतर्फ पोखराका विपिन खत्री, सागर ढकाल र कुशल भुर्तेलले एक–एक विकेट लिए ।
त्यसअघि टस जितेर ब्याटिङ रोजेको पोखराले १६.३ ओभरमा सबै विकेट गुमाएर १०३ रन बनायो । पोखराको लागि दिनेश खरेलले सर्वाधिक २६ रन बनाए । यस्तै, एन्ड्रिस गौसले २५, रेमण्ड रेफर २० तथा कप्तान कुशल भुर्तेलले १० रन बनाए ।
पोखरालाई सस्तो मै समेट्न बोसिस्टोले ४ ओभर बलिङ गर्दा २८ रन खर्चेर ६ विकेट लिए । सोमपाल कामी, विपिन शर्मा र युनिस ठकुरीले एक एक विकेट लिए ।
प्रतियोगितामा सुरुका दुई खेल गुमाएको कर्णालीले लगातार तेस्रो जित निकालेको छ । टोलि अंकतालिकाको चौंथो स्थानमा उक्लिएको छ । एक खेलमात्र जितेको पोखरा ४ खेलबाट २ अंकका साथ छैटौं स्थानमा छ ।
