काठमाडौँ । कालीमाटीस्थित स्वर्णलक्ष्मी बहुउद्देश्यीय सहकारी संस्थाको रकम अपचलन गरेको आरोपमा विद्यार्थी नेता दीपेश पुनकी श्रीमतीविरुद्ध पक्राउ पुर्जी जारी भएको छ ।
काठमाडौँ जिल्ला अदालतले पुनकी श्रीमती सविना आले मगरलाई पक्राउ गर्न प्रहरीलाई अनुमति दिएको स्रोतले बतायो । सविना स्वर्णलक्ष्मी सहकारीमा लेखा समिति सदस्यको रूपमा आबद्ध थिइन् ।
स्वर्णलक्ष्मीको रकम अपचलन गरेको आरोपमा काठमाडौँ प्रहरीले रास्वपाका सभापति रवि लामिछानेसहित २४ जनाविरुद्ध अनुसन्धान गरिरहेको छ ।
दीपेश माओवादी (केन्द्र)निकट अनेरास्ववियु (क्रान्तिकारी) का महासचिव हुन् । उनी बुटवलस्थित सुप्रिम बचत तथा ऋण सहकारी घोटाला प्रकरणमा पक्राउ परेर धरौटीमा छुटेका थिए ।
