काठमाडौँ । नेपाल प्रिमियर लिग (एनपिएल)मा आज आइतबार पनि दुई खेल हुँदैछन् ।
पहिलो खेलमा जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ । खेल बिहान ९ बजे सुरु हुनेछ । यसअघिका तिनै खेल जितेको जनकपुर र तिन वटै खेलमा हार ब्यहोरेको लुम्बिनीबीच प्रतिस्पर्धा हुन लागेको हो ।
लुम्बिनीलाई आजको खेल जित्नैपर्ने दबाब छ भने जनकपुर जितको सिलसिला अघि बढाउने लक्ष्यमा छ ।
यस्तै आज दिउँसो सुदूरपश्चिम रोयल्स र चितवन राइनोजबीच प्रतिस्पर्धा हुँदैछ । खेल १ बजे सुरु हुनेछ । सुदूरपश्चिम लगातार तिन जित निकाल्दै अंकतालिकाको शीर्षस्थानमा छ भने चितवनले २ खेलमा जित र १ खेलमा हार ब्यहोर्दै तेस्रो स्थानमा छ ।
