चितवन । चितवन मेडिकल कलेजको भरतपुरमा रहेको शिक्षण अस्पतालमा उपचाररत एक जना संक्रमितको मृत्यु भएको छ ।
सोमबार राती भरतपुर महानगरपालिका–१० का एक पुरुषको मृत्यु भएको हो ।
असोज २२ गते कोरोना भाइरसको संक्रमण पुष्टि भएका ७८ वर्षीय पुरुष असोज २४ गते अस्पताल भर्ना भएका थिए ।
प्रोस्टेट क्यान्सरको पनि समस्या देखिएका उनलाई अस्पतालले आईसीयूमा राखेर उपचार गर्दै आएको थियो ।
श्वासप्रश्वासमा समस्या बढेपछि उनी अस्पताल भर्ना भएको अस्पतालका निर्देशक डा. दयाराम लम्सालले जानकारी दिए ।
