काठमाडौं । महोत्तरीको रामगोपालपुर नगरपालिका–२ मा नेकपा एमालेका सकिबुल खाँ निर्वाचित भएका छन् ।
एमालेका उम्मेदवार सकिबुल खाँ ६ सय ३१ मतसहित विजयी भएका हुन् ।
उनका प्रतिस्पर्धी नेकपा माओवादी केन्द्रका आइतीकुमारी यादवले ५ सय ३४ मत पाए ।
यस्तै नेपाली काँग्रेसका उम्मेदवार जानिफ खाँले २ सय ८४ मत पाएका छन् भने जसपा नेपालका उम्मेदवार नजामुदिन खाँले ३८ मत पाएका छन् ।
यो वडामा २०७९ को स्थानीय तह निर्वाचनमा माओवादी केन्द्रका मुकेश यादव ४३३ मत ल्याएर निर्वाचित भएका थिए । अहिलेको उपनिर्वाचनमा उनै मुकेशकी श्रीमतीलाई माओवादीले उम्मेदवार बनाएको थियो ।
