काठमाडौँ । इंग्लिस प्रिमियर लिग फुटबलमा टोटेनहम र फुलहमले बराबरी खेलेका छन् । आइतबार टोटेनहमले फुलहमसँग १–१ गोलको बराबरी खेल्दै अंक बाँडेको हो ।
घरेलु टोलि टोटेनहमले खेलको ५४ औं मिनेटमा ब्रेनान जोनसोनको गोलबाट सुरुवाती अग्रता लिएको थियो । यता, टम कायर्नीले ६७ औं मिनेटमा गोल गर्दै फुलहमलाई १–१ गोलको बराबरीमा ल्याए ।
त्यसपछि खेलमा थप गोल हुन सकेन । ८३ औं मिनेटमा गोलस्कोरर कायर्नीले रातो कार्ड खाँदै बाहिरिएका थिए ।
टोटेनहम १३ खेलबाट २० अंकका साथ तालिकाको सातौं स्थानमा छ । फुलहम १९ अंकका साथ १० औं स्थानमा छ ।
