काठमाडौँ । इंग्लिस प्रिमियर लिग फुटबलमा म्यान्चेस्टर युनाइटेडले सानदार जित निकालेको छ ।
आइतबार भएको खेलमा युनाइटेडले एभर्टनलाई ४–० गोलले हराएको हो । घरेलु मैदान वल्ड्र ट्राफोर्डमा युनाइटेडलाई जित दिलाउन मार्कुस रासफोर्ड र जोसुआ जिर्कजीले दुई–दुई गोल गरे ।
रासफोर्डले खेलको ३६ औं र ४७ औं मिनेटमा तथा जिर्कजीले ४१ औं र ६४ औं मिनेटमा गोल गरे ।
जितसँगै युनाइटेड १३ खेलबाट १९ अंकका साथ नवौं स्थानमा छ । एभर्टन ११ अंकका साथ १५ औं स्थानमा छ ।
