एजेन्सी । वृत्तचित्र ‘नयनथाराः बियोन्ड द फेयरिटेल’ लाई लिएर नयनतारा र धनुषबीचको विवाद बढ्दै गएको छ । यसैबीच धनुषले अहिले अभिनेत्री र उनको डकुमेन्ट्रीविरुद्ध मद्रास उच्च अदालतमा मुद्दा दायर गरेका छन् ।
एक रिपोर्टका अनुसार यो मुद्दा अभिनेत्री र उनका फिल्ममेकर पति विग्नेश शिवन विरुद्ध परेको छ, जसमा उच्च अदालतले पनि जवाफ मागेको छ ।
‘लाइभ ल’को रिपोर्टका अनुसार धनुषको वन्डरबार फिल्म्स प्राइभेट लिमिटेड कम्पनीले नयनतारा, उनका पति विग्नेश शिवन र उनीहरुको कम्पनी राउडी पिक्चर्स प्राइभेट लिमिटेडविरुद्ध मद्रास उच्च अदालतमा मुद्दा दायर गरेको छ । जसमा यी अभियुक्तहरूले धनुषको फिल्म नानुम राउडी धनका केही दृश्यहरू बिना अनुमति वृत्तचित्रमा प्रयोग गरेको बताइएको छ ।
यसबाहेक धनुषको कम्पनीले लस गाटोस प्रोडक्सन सर्भिसेज इन्डिया एलएलपीविरुद्ध मुद्दा दायर गर्न अनुमति मागेको थियो, जसलाई अदालतले स्वीकृत गरेको थियो ।
यो कम्पनीले ओटीटी प्लेटफर्म नेटफ्लिक्सको लागि भारतमा सामग्री लगानी गर्छ र यो मुम्बईमा छ । मद्रास उच्च अदालतले दुवै पक्षको प्रारम्भिक बहस सुनेको थियो । साथै नयनतारालाई अर्को सुनुवाईमा जवाफ दिन भनिएको छ ।
घटना के हो ?
नयनताराले धनुषसँग उनको फिल्म ‘नानुम राउडी धान’ को गीत र भिजुअलको लागि उनको डकुमेन्ट्री ‘नयनथाराः बियन्ड द फेयरी टेल’का लागि अनुमति मागेकी थिइन् ।
तर धनुषले उनलाई अनुमति दिन मानेनन् र डकुमेन्ट्रीको ट्रेल हेरेपछि मात्र ३ सेकेन्डको भिजुअल चोरी गरेको आरोपमा अभिनेत्रीलाई १० करोड रुपैयाँको कानूनी नोटिस पठाए । नयनतारा आफैं फिल्म ‘नानुम राउडी धान’मा मुख्य अभिनेत्री थिइन् ।
