काठमाडौं । नेपाल विद्युत् प्राधिकरणको सञ्चालक समितिको बैठकले उद्योगहरूको बिजुली तत्काल नकाट्ने निर्णय गरेको छ ।
आज बसेको सञ्चालक समितिको बैठकले १५ दिन भित्र उद्योगले विद्युत बक्यौता नतिरे पनि लाइन नकाट्ने निर्णय भएको नेपाल विद्युत प्रधिकरणका प्रवक्ता चन्दनकुमार घोषले बताए ।
विद्युत् नियमन आयोगले उद्योगहरूको लाइन नकाटी बक्यौता असुली गर्ने प्राधिकरणलाई निर्देशन दिएकोे थियो । नियमन आयोगको निर्देशन अनुसार नै सञ्चालक समितिले उद्योगको लाइन तत्काल नकाट्ने निर्णय गरेको हो ।
यसअघि लाल आयोगको प्रतिवेदन सावर्जनिक गर्दै सरकारले टाइम अफ डे (टीओडी) मिटिर अनुसार १५ दिन भित्र टंक र डेलिकेडेट लाइन प्रयोग गरेको उद्योगबाट बक्यौता उठाउने भनेको थियो । प्राधिरणले भने बक्यौता नतिरे उद्योगको लाइन काट्ने बताउदै आएको थियो ।
