काठमाडौँ । साउदी अरेबियाको जेद्दाहमा दुई दिन लामो आईपीएलको मेगा अक्सन सम्पन्न भएको छ ।
लिलामीमा १८२ खेलाडी बिक्रि भए जसमध्ये ६२ विदेशी खेलाडी थिए । राइट टु म्याच ८ पटक प्रयोग भयो । १० फ्रेन्चाइजीले ६३९.१५ करोड रुपैयाँ खर्च गरेका छन् ।
ऋषभ पन्त इतिहासकै सबैभन्दा महँगा खेलाडी बने । उनलाई लखनऊ सुपर जाइन्ट्स (एलएसजी)ले २७ करोडमा किन्यो ।
योसँगै १३ वर्षको उमेरमा अष्ट्रेलियाविरुद्ध यू–१९ मा शतक प्रहार गर्ने बिहारका बायाँ हाते ब्याट्सम्यान वैभव सूर्यवंशी आईपीएलका सबैभन्दा कान्छो खेलाडी बने । वैभवलाई राजस्थान रोयल्स (आरआर)ले किन्यो ।
१. पन्त सबैभन्दा महँगो खेलाडी
ऋषभ पन्तलाई लखनउले २७ करोडमा र श्रेयस अय्यरलाई पञ्जाबले २६.७५ करोडमा किन्यो । इङ्ल्यान्डका जोस बटलर सबैभन्दा महँगो विदेशी खेलाडी बने । उनलाई गुजरात टाइटन्सले १५.७५ करोडमा किन्यो ।
२. वेंकटेश सबैभन्दा महँगो अलराउन्डर
वेंकटेश अय्यरलाई कोलकाता नाइट राइडर्सले २३.७५ करोडमा किन्यो । अष्ट्रेलियाका मार्कस स्टोइनिस सबैभन्दा महँगो विदेशी अलराउन्डर हुन्, उनलाई पञ्जाब किंग्सले ११ करोडमा किन्यो ।
३. अर्शदीप सबैभन्दा महँगा तेज बलर
अर्शदीप सिंहलाई पञ्जाब किंग्सले १८ करोडमा किनेको थियो । जोस हेजलवुड, जोफ्रा आर्चर र ट्रेन्ट बोल्ट सबैभन्दा महँगा विदेशी पेसर रहे । तीनैलाई विभिन्न टोलीले १२.५० करोडमा किनेका छन् ।
४. युजभेन्द्र सबैभन्दा महँगा स्पिनर
युजवेन्द्र चहललाई पञ्जाब किंग्सले सबैभन्दा बढी १८ करोड भारु तिरेर किनेको थियो । रविचन्द्रन आश्विन पनि ९.७५ करोडमा बिक्रि भएका थिए । अफगानिस्तानका नूर अहमद सबैभन्दा महँगो विदेशी स्पिनर थिए, उनलाई चेन्नईले १० करोडमा किन्यो ।
५. रसिक दार सबैभन्दा महँगो अनक्याप्ड खेलाडी
जम्मु कश्मीरका फास्ट बलर रसिक दारले आधार मूल्यभन्दा २० गुणा बढी पाए । आरसीबीले दायाँ हाते तेज बलरलाई ६ करोडमा किन्यो । उनी ३० लाखको आधार मूल्यका साथ लिलामीमा प्रवेश गरेका थिए ।
७. १३ वर्षीय वैभव सबैभन्दा कान्छो खेलाडी
१३ वर्षीय वैभव सूर्यवंशीलाई राजस्थानले १ करोड १० लाखमा किन्यो । उनको आधार मूल्य ३० लाख रुपैयाँ थियो । योसँगै उनी आईपीएल इतिहासमा सबैभन्दा कान्छो खेलाडी पनि बनेका छन् ।
बिहारका खेलाडीले यो सिजनबाट आईपीएलमा डेब्यु गर्नेछन् । वैभवले अन्डर–१९ मा अस्ट्रेलियाविरुद्ध शतक बनाएका थिए । वैभवले १२ वर्षको उमेरमा प्रथम श्रेणीमा डेब्यु गरेका थिए ।
