काठमाडौं । ईंग्लिश प्रीमियर लिग फुटबलमा चेल्सी र आर्सनलले बराबरी खेलेका छन् ।
गएराति भएको लन्डन डर्बी खेलमा दुबै टोलीले १-१ गोलको बराबरी खेल्दै अङ्क बाँडेका हुन् ।
पहिलो हाफमा आर्सनलले अग्रता बनाएपनि गोलले मान्यता भने पाएन । ३३ औं मिनेटमा काइ हाभेर्ट्जले गोल गरेका थिए । तर भिएआरले उक्त गोल रद्द गरिदियो । हाभेर्ट्ज अफसाइड रहन पुगे ।
खेलको ६० औं मिनेटमा गाब्रीएल मार्टिनेलीले गोल गर्दै आर्सनललाई अग्रता दिलाए । त्यसको १० मिनेटपछि घरेलु टोलि चेल्सीले बराबरी गोल फर्काए । पेड्रो नेटोले गोल गर्दै चेल्सीको हार टारे ।
यो नतिजापछि ११-११ खेल खेलेका चेल्सी र आर्सनल १९-१९ अङ्कका साथ तेस्रो र चौथो स्थानमा छन् ।
