काठमाडौं । नेपाल विद्युत् प्राधिकरणका कार्यकारी निर्देशक कुलमान घिसिङको अधिकार कटौती गर्न आज मन्त्रिपरिषद्को बैठक बस्दै छ ।
प्रधानमन्त्री तथा मन्त्रिपरिषद्को कार्यालय सिंहदरबारमा अपराह्न ५ बजे बस्ने बैठकमा प्राधिकरणका निर्देशक घिसिङले सरकारको निर्देशन पालना नगरेको भन्दै अधिकार कटौती गर्नेबारे छलफल हुने बताइएको छ ।
प्राधिकरणले डेडिकेटेड र ट्रंकलाइनको महसुल नतिरेका उद्योगको विजुली काटेको छ । व्यवसायीहरुले आफूहरु अन्योलमा परेको भन्दै प्रधानमन्त्रीसँग हारगुहार गरिरहेका छन् । सरकारले उद्योगको बिजुली नकाटी महसुल उठाउन निर्देशन दिएको थियो । तर उद्योगीले महसुल नतिरेपछि प्राधिकरणले बाध्य भएर लाइन काट्नुपरेको जनाएको छ ।
आजको मन्त्रिपरिषद् बैठकले कुलमानका बारेमा ठोस निर्णय गर्ने बताइएको छ ।
