काठमाडौं । प्रतिनिधिसभाअन्तर्गतको राज्य व्यवस्था तथा सुशासन समितिले अख्तियारसम्बन्धी ऐन संशोधन विधेयकमा छलफल गर्न प्रधानमन्त्री केपी शर्मा ओली र गृहमन्त्री रमेश लेखकलाई बोलाएको छ ।
सिंहदरबारमा आज दिउँसो १२ बजे बस्ने बैठकमा प्रधानमन्त्री ओली र गृहमन्त्री लेखकलाई बोलाइएको समितिका सभापति रामहरि खतिवडाले जानकारी दिनुभएको छ ।
बैठकमा अख्तियार दुरुपयोग अनुसन्धान आयोग ऐन, २०४८ लाई संशोधन गर्न बनेको विधेयकका सम्बन्धमा छलफल गर्ने कार्यसूची रहेको छ । सोही विषयमा छलफल गर्न समितिले प्रधानमन्त्री र गृहमन्त्रीलाई बोलाएको हो ।
